2020/06/20

كورس تعلم ال Asp.Net Core Blazor بالعربي


السلام عليكم
ان شاء الله دي مقدمة لكورس تعلم ال Blazor وهنشوف ازاي باستخدام ال C# تقدر تعمل Single Page Applications جميلة و سريعة يعني لو انت مطور دوت نت هتلاقي الموضوع بالنسبالك سهل جدا
ومن مزايا استخدامك لتكنولوجي زي ال Blazor هتلاقي الانتاجية بتاعتك كDeveloper علية جدا لان هتلاقي كود كتير من اللي انت عامله في Backend بتستخدمه في الFrontend لانهم معمولين بنفس اللغة فاكيد طبعا هيفرق كتير

ان شاء الله الكورس ده هيبتدي الاول بمقدمة عن ايه هو الBlazor وتاريخه القريب وبعدين هنركز على بعض المفاهيم الاساسية المستخدمة في بناء ال Framework وممكن تلاقي محاضرة كاملة بتوضح مفهوم معين وبعدها محاضرة تشرح استخدامه في ال Blazor وده طبعا حاجة مهمة لان كل ما افهم الحاجة معمولة ليه وازاي افهم استخدمها ازاي بعد كده ويبقى كودي نضيف واداءه كويس وخالي من الاخطاء
طول ما احنا شغالين في الكورس وكل حاجة بنتعلمها هنطبقها على مشروع عملي لبيع الساعات لكن في بعض الحاجات زي ال Blazor Lifecycle  مثلا هنعملها Pages خاصة ان احنا نتست عليها الحاجات اللي اتعلمناها عشان اقدر اوضح الدرس بشكل اكبر وكل الكود هتلاقوه على Gihub ان شاء الله
ال Blazor نازل باتنين Hosting Models  واحد بيطلق عليه Blazor Server  والاخر Blazor WebAssembly هنتكلم عن الاتنين في الكورس لكن هنركز على ال Blazor WebAssembly  وهنبني كل حاجة بيه وبعد كده هنعمل كام فيديو لتحويل البروجكت ل Blazor Server  وبكده هتقدر تلم الاتنين Hosting Models
الكورس خلص منه جزء كبير والمحاضرات هتنزل في Playlist  الكورس بشكل دوري وهتلاقوها في ال Description بتاع الفيديو
ان شاء الله الكورس يبقى مفيد للجميع ومش هوصيكم على ال Share و ال Subscribe وكمان فعل زرر التنبيهات علشان كل ما ينزل فيديو للكورس يوصلك علطول باذن الله
ولو ليك اي تعليق او حاجة حابب تشوفها في الكورس قولي عليها في تعليق على الفيديو
وفي النهاية لا تنسو كل من شارك في عمل هذا الكورس من صالح دعائكم في هذه الايام وجزاكم الله خير


2020/03/27

شرح Domain Driven Design بالعربي

من اشهر الاساليب في تصميم البرمجيات خصوصا المعقدة هو ال
Domain driven design (DDD)
في الفيديو ده هتلاقي شرح مبسط مطعم بالامثلة للموضوع
اتفرج على الفيديو ده وادعيلي وانسى الكرونا وافتكر (قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ )
رابط ال YouTube
https://youtu.be/bEI4RW3ULvI

مقدمة عن الDevOps

في هذا المقال سوف اتحدث عن مقدمة بسيطة عن ال DevOps ولماذا لابد ان تهتم فرق تطوير البرمجيات به وما هي النتائج المترتبة عن استخدام اساليبه ...